صدر آصف علی زرداری سے وزیراعظم شہباز شریف نے ملاقات کی ہے، جس میں بجٹ میں عوام کو ریلیف دینے کی تجاویز پر تبادلہ خیال کیا گیا۔
منگل کو صدر اور وزیر اعظم کے درمیان ہونے والی ملاقات میں وزیر منصوبہ بندی احسن اقبال بھی موجود تھے۔
ملاقات میں ملک کی مجموعی اقتصادی اور مالیاتی صورتحال پر تبادلہ خیال کیا گیا۔
آصف زرداری اور شہباز شریف نے عوام کو ریلیف دینے کی تجاویز اور آئندہ بجٹ میں ترقیاتی منصوبوں پر تبادلہ خیال کیا۔
صدر نے بجٹ میں غریب اور متوسط طبقے کا خصوصی خیال رکھنے کی بات کی۔
ملاقات کے دوران وزیراعظم نے صدر کو اپنے حالیہ دورہ چین کے بارے میں بھی آگاہ کیا۔
