گرم موسم کے باعث پنجاب بھر میں خسرہ کے کیسز میں غیر معمولی اضافے کے باعث صورتحال تشویشناک ہے،
ہسپتالوں میں اس انفیکشن کی علامات ظاہر کرنے والے مریضوں کی تعداد میں اضافہ ہو رہا ہے۔
محکمہ صحت پنجاب کے مطابق پنجاب میں گزشتہ 24 گھنٹوں کے دوران ایک بچہ خسرہ سے جاں بحق ہوا جبکہ 279 دیگر متاثر ہوئے۔
اعداد و شمار کے مطابق شیخوپورہ سے 38، فیصل آباد سے 34، لاہور سے 29 اور گوجرانوالہ سے 25 بچے سرکاری ہسپتالوں میں آئے۔
بہاولپور میں 24، ملتان میں 15، راولپنڈی میں 11 کیسز رپورٹ ہوئے۔
