زرعی یونیورسٹی کے طلبہ کو بلاسود قرضہ دینے کا فیصلہ

سندھ حکومت نے زرعی یونیورسٹی ٹنڈوجام کے طلباء کو بلاسود قرضے دینے کا فیصلہ کیا ہے۔
سندھ کے وزیر زراعت سردار بخش مہر نے اس حوالے سے کہا کہ محکمہ زراعت ٹنڈوجام کی زرعی یونیورسٹی کے طلباء کو بلاسود قرضے فراہم کرنے کا طریقہ کار بنائے گا،
تاکہ قرضے سے زرعی تعلیم حاصل کرنے والے نوجوان اپنا زرعی کاروبار شروع کر سکیں۔ ،
صوبائی وزیر نے کہا کہ موسمیاتی تبدیلی ایک بڑا مسئلہ بن چکی ہے۔
سردار محمد بخش مہر نے کہا کہ موسمیاتی تبدیلی کا سب سے زیادہ اثر زراعت پر پڑ رہا ہے۔
ان کا مزید کہنا تھا کہ سندھ حکومت نے گرین کارڈ پر کام شروع کر دیا ہے۔