پنجاب اور کے پی میں چند مقامات پر گرج چمک کے ساتھ بارش کا امکان

ملک کے بیشتر علاقوں میں گرمی کا راج ہے، جنوبی اضلاع میں گرمی کی لہر برقرار ہے۔
محکمہ موسمیات نے شمال مشرقی پنجاب اور کے پی میں چند مقامات پر گرج چمک کے ساتھ بارش کی پیش گوئی کی ہے
جبکہ اسلام آباد اور گردونواح میں مطلع جزوی طور پر ابر آلود رہنے اور چند مقامات پر بارش کی اطلاع ہے۔
محکمہ موسمیات کا کہنا ہے کہ مری، گلیات، راولپنڈی سمیت پنجاب کے بعض میدانی علاقوں میں بارش ہوسکتی ہے،
بالائی خیبرپختونخوا میں چند مقامات پر بارش ہوسکتی ہے۔
بلوچستان کے بیشتر علاقے گرم رہیں گے، ساحلی پٹی پر بوندا باندی کا امکان ہے، سندھ کے بیشتر بالائی اضلاع میں موسم شدید گرم رہے گا۔
کراچی میں رواں ہفتے گرمی کی شدت میں کمی کا امکان ہے، شہر میں مطلع جزوی طور پر ابر آلود رہے گا، سمندری ہوائیں بحال ہوگئی ہیں، 22 کلومیٹر فی گھنٹہ کی رفتار سے ہوا جنوب مغربی سمت سے چل رہی ہے۔
محکمہ موسمیات کا کہنا ہے کہ زیادہ سے زیادہ درجہ حرارت 36 ڈگری تک پہنچنے کا امکان ہے اور آئندہ 24 گھنٹوں کے دوران موسم گرم اور مرطوب رہے گا۔