صنعتوں کے لیے بجلی کی قیمت میں 10 روپے 69 پیسے کی کمی

ملکی صنعت کی بہتری کے لیے وزیراعظم شہباز شریف کے حکم پر صنعتوں کے لیے بجلی کی قیمت میں 10 روپے 69 پیسے کمی کر دی گئی۔
وزیراعظم ہاؤس سے جاری اعلامیے کے مطابق ملکی صنعت کی بہتری کے لیے صنعتوں کے لیے بجلی کی قیمت میں 10 روپے 69 پیسے کی کمی کی گئی ہے
جس کے بعد بجلی کی نئی قیمت 34 روپے 99 پیسے فی یونٹ مقرر کی گئی ہے۔
نیپرا نے صنعتوں کے لیے بجلی کی قیمت میں 10 روپے 69 پیسے فی یونٹ کمی کی تجویز دی تھی۔
وزیراعظم کے پیکج کے نتیجے میں صنعتوں پر سے 200 ارب روپے سے زائد کا بوجھ ختم ہو جائے گا
جبکہ یہ پیکج صنعتوں کو عالمی منڈی میں اشیاء کی قیمتوں کا مقابلہ کرنے کے قابل بنانے کے لیے کیا گیا ہے۔
پیکیج سے صنعتی اور زرعی مصنوعات کی پیداواری لاگت میں کمی آئے گی اور برآمدات میں بھی اضافہ ہوگا۔
اعلامیے میں مزید کہا گیا کہ صنعتی ترقی کی رفتار تیز ہوگی اور روزگار میں تیزی سے اضافہ ہوگا
جب کہ صنعتوں کا پہیہ تیز ہوگا اور برآمدات میں اضافے سے ملکی معیشت کو فائدہ ہوگا۔