80 سالہ شخص کی 23 سالہ لڑکی سے شادی سوشل میڈیا پر وائرل

حال ہی میں غیر ملکی میڈیا پر بزرگ دُلہے اور نوجوان دُلہن کا چرچہ ہو رہا ہے، جہاں دونوں کی شادی کی خبر سامنے آئی ہے۔
80 سالہ شخص نے 23 سالہ نوجوان لڑکی سے محبت کی شادی کر لی ہے، جی ہاں! جو آپ نے سنا ہے، وہ حقیقت ہے۔
چین سے تعلق رکھنے والے 80 سالہ شخص ’لی‘ نے 23 سالہ نوجوان لڑکی ’ژیاؤفانگ‘ سے پسند کی شادی کر لی ہے۔
چین کے صوبے ہیبی سے تعلق رکھنے والے لی اور ژیاؤ فانگ پہلے دوست تھے، تاہم دونوں کی دوستی محبت میں بدل گئی، اور پھر دونوں نے شادی کا فیصلہ بھی کر لیا۔
اگرچہ نوجوان لڑکی ژیاؤ فانگ کی فیملی کی جانب سے بزرگ سے شادی پر مزاحمت بھی کی گئی اور لڑکی کو اس شادی سے روکنے کے لیے دباؤ بھی ڈالا گیا،
تاہم ژیاؤ فانگ نے اپنے والدین سے رشتہ توڑ کر بزرگ شخص لی سے شادی کا فیصلہ کیا۔