قومی ٹیم کے سابق کپتان شاہد آفریدی نے ورلڈ کپ کے بعد ٹیم کی اندرونی کہانی سامنے لانے کا عندیہ دے دیا ہے۔
سابق کپتان اور چیف سلیکٹر شاہد آفریدی نے جواب دیا کہ میں بھی بہت کچھ جانتا ہوں لیکن کھل کر بات کرنے سے قاصر ہوں۔
انہوں نے کہا کہ میں نے بھی کپتانی کی ہے، سہیل بھی میرے ساتھ رہے ہیں، آپ کا لیڈر کپتان ہے، جو سب کو ساتھ لے کر چلتا ہے،
کپتان ٹیم کا ماحول خراب کرتا ہے یا ٹیم بناتا ہے، کپتان سب کو ساتھ لے کر چلتا ہے۔
سابق آل راؤنڈر کا کہنا تھا کہ کوچ، ٹیم مینجمنٹ سے پہلے کپتان ہوتا ہے جو ٹیم کو متحد کرتا ہے، اس کے پاس اختیار ہوتا ہے جب کہ اسے سلیکشن کمیٹی کی حمایت حاصل ہوتی ہے،
ٹیم کو میدان میں لڑانا کپتان کا کام ہے۔
شاہد آفریدی نے واضح طور پر کہا کہ “شاہین سے میرا رشتہ الگ ہے، اگر میں کچھ بھی کروں تو لوگ کہیں گے کہ میں اپنے داماد کو سپورٹ کر رہا ہوں،
حالانکہ میں ایسا نہیں ہوں، اگر میری بیٹی ہو یا داماد!” اگر یہ غلط ہے تو میں کہوں گا کہ یہ غلط ہے۔
انہوں نے کہا کہ گزشتہ چند سالوں میں ہماری سلیکشن کمیٹی اور بورڈ نے بڑی غلطیاں کی ہیں، ورلڈ کپ کے بعد کھل کر کہوں گا،
ہمارے لوگوں نے اس یونٹ کو برباد کیا ہے۔
