“رحیم یارخان میں سردار فہد خان عباسی کی سالگرہ کی تقریب: قاضی احمد سعید اور دیگر اہم شخصیات کی شرکت”
رحیم یارخان(ڈسٹرکٹ رپورٹر )رکن صوبائی اسمبلی پنجاب قاضی احمدسعید نے معروف سیاسی سماجی شخصیت سردار فہد خان عباسی سے ملاقات کی۔
انہیں نواب آف بہاولپور ولی عہد بہادر پرنس بہاول عباس خان عباسی کے بہاول دوست گروپ کا ضلعی صدر منتخب ہونے پر مبارکباد دیتے ہوئے پھولوں کے ہار پہنائے اور گلدستے پیش کئے۔
اس موقع پر ایم پی اے قاضی احمدسعید نے سردار فہدخان عباسی کوان کی سالگرہ کی بھی مبارکباددیتے ہوئے کیک کاٹا اور نیک خو اہشات کا اظہار کرتے ہوئے ان کی درازی عمرکیلئے دعا کی۔
تقریب سے خطاب کرتے ہوئے ایم پی اے قاضی احمدسعید نے نواب بہاول عباس خان عباسی کے بہاول دوست گروپ کی بنیاد رکھنے پر خوشی کا اظہار کیا ۔
تقریب میں ایس ڈی او محکمہ ہائی ویز چوہدری محمد افضل‘ آل پاکستان کلرک ایسوسی ایشن وآل گورنمنٹ ایمپلائز گرینڈالائنس کے ضلعی صدرمحبوب خان‘ محمدشفیع نجفی چنہ‘ گلزاراعوان‘ عباس خان کورائی‘ چوہدری عبدالجبار‘ رانا سعید شاہین‘ عبدالرؤف پپا ودیگر نے شرکت کی ۔
اور سردار فہد خان عباسی کو سالگرہ اور بہاول دوست گروپ کا ضلعی صدر منتخب ہونے پر مبارکباد دیتے ہوئے پھولوں کے ہار پہنائے اور گلدستے پیش کئے۔
یوٹیوٹ کی ویڈیو دیکھنے کے لیے یہاں کلک کریں
