اڈیالہ جیل کے سپرنٹنڈنٹ اسد وڑائچ کو تبدیل کر دیا گیا، ایک سو نوے ملین پاؤنڈ ریفرنس کی اہم سماعت کے روز جیل حکام کو سابقہ چارج فوری طور پر چھوڑنے کا حکم دیا گیا ہے
اور عبدالغفور انجم کو اڈیالہ جیل کا نیا چارج دے دیا گیا ہے۔ سپرنٹنڈنٹ اسد وڑائچ جو اس سے قبل فیصل آباد جیل کے سپرنٹنڈنٹ تھے کو ساہیوال جیل کا سپرنٹنڈنٹ تعینات کر دیا گیا ہے۔
دوسری جانب عبدالغفور انجم کی جگہ سپرنٹنڈنٹ ساجد بیگ سنٹرل جیل ساہیوال کو سپرنٹنڈنٹ سنٹرل جیل فیصل آباد تعینات کر دیا گیا ہے۔
محکمہ داخلہ پنجاب نے گزشتہ رات جیل افسران کے تقرر و تبادلوں کا نوٹیفکیشن جاری کر دیا۔
اسد وڑائچ کی تعیناتی کے دوران پہلی مرتبہ اڈیالہ جیل میں تین افراد کو قتل کیا گیا تھا اور اس سے متعلق جیل انتظامیہ کے خلاف مقدمہ درج کیا گیا تھا۔
