وزیر سرمایہ کاری، مواصلات و نجکاری عبدالعلیم خان کی زیر صدارت اجلاس ہوا،
جس میں پی آئی اے کی نجکاری سے متعلق پیش رفت پر تفصیلی تبادلہ خیال کیا گیا،
نجکاری بورڈ کو شارٹ لسٹ کی گئی کمپنیوں کے بارے میں تفصیلی معلومات فراہم کی گئیں۔
اجلاس سے خطاب کرتے ہوئے عبدالعلیم خان نے کہا کہ وزیراعظم چاہتے ہیں کہ پی آئی اے کی نجکاری جلد ہو، اس میں مزید تاخیر نہیں ہونی چاہیے،
نجکاری کمیشن آفرز کرنے والی تنظیموں کو مکمل تعاون فراہم کرے، تمام اسٹیک ہولڈرز کو مدنظر رکھا جائے۔
اداروں کی نجکاری کے لیے کمیشن کو حکومت پر انحصار کم کرکے مالی خودمختاری حاصل کرنی چاہیے۔
