مخصوص نشستوں کے معاملے پر فیصلہ کل آنے کا امکان

سنی اتحاد کونسل کی مخصوص نشستوں سے متعلق معاملے پر سپریم کورٹ کا 13 رکنی بینچ کل فیصلہ دے سکتا ہے۔
معلومات کے مطابق سپریم کورٹ نے مخصوص نشستوں کے معاملے پر بحث مکمل ہونے کے بعد 9 جولائی کو اپنا فیصلہ محفوظ کر لیا تھا۔
فیصلہ محفوظ ہونے کے بعد چیف جسٹس قاضی فائز عیسیٰ نے بنچ کے تمام ججز کی میٹنگ بلائی جو ڈیڑھ گھنٹے تک جاری رہی۔
تمام فریقین کے وکلاء کے دلائل اور ریکارڈ کی روشنی میں ہر نکتے پر ججز کی رائے لی گئی۔