آئی ایس پی آر کے مطابق: سرحد پر دہشت گردی کی خلاف ورزی میں 3 دہشت گرد ہلاک
دیر میں سیکیورٹی فورسز سے شدید فائرنگ، 3 دہشت گرد ہلاک، آئی ایس پی آر
سیکیورٹی فورسز نے خیبر پختونخوا کے ضلع دیر میں پاکستان افغانستان سرحد پر دہشت گردوں کی دراندازی کی کوشش کو ناکام بنا دیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق پاک افغان سرحد پر سیکیورٹی فورسز کے ساتھ فائرنگ کے تبادلے میں 3 دہشت گرد مارے گئے۔
آئی ایس پی آر کے مطابق 21 اور 22 جولائی کی درمیانی شب پاکستان افغانستان سرحد پر دہشت گردوں کی نقل و حرکت ہوئی۔
بیان میں کہا گیا ہے کہ پاکستان نے افغان حکومت سے کہا ہے کہ وہ سرحد پر موثر بارڈر مینجمنٹ کو یقینی بنائے۔
اور امید ہے کہ عبوری افغان حکومت اپنی ذمہ داریاں پوری کرے گی۔
امید ہے پاکستان کیخلاف دہشتگردی کیلئے افغان سرزمین کے استعمال سے بھی انکار کرے گی۔
بیان میں کہا گیا کہ سیکیورٹی فورسز سرحدوں کو محفوظ بنانے اور دہشت گردی کے خاتمے کے لیے پرعزم ہیں۔
یوٹیوٹ کی ویڈیو دیکھنے کے لیے یہاں کلک کریں
