پاسپورٹ پرنٹنگ بحران کی وجہ سے سیاہی کی کھیپ میں تاخیر، ڈی جی پاسپورٹ کا خط
پاسپورٹ پرنٹنگ بحران ایک بار پھر شدت اختیار کرگیا
لیمینیشن پیپر میں سیاہی ختم ہونے سے پاسپورٹ پرنٹنگ کا بحران ایک بار پھر شدت اختیار کرگیا۔
ذرائع کے مطابق لیمینیشن پیپر کی کمی اور سیاہی کا ذخیرہ ختم ہونے سے پاسپورٹ پرنٹنگ کا بحران ایک بار پھر شدت اختیار کرگیا۔
متعلقہ کمپنی کی جانب سے سیاہی بھیجنے میں تاخیر کے باعث بحرانی صورتحال پیدا ہوئی ۔
جب کہ پاسپورٹ پرنٹ کرنے کے لیے سیاہی کی کھیپ 28 جولائی کو اسلام آباد پہنچے گی۔
ڈی جی پاسپورٹ نے کسٹم حکام کو خط لکھ کر سیاہی کی کھیپ کو فوری طور پر کلیئر کرنے میں تعاون کی درخواست کی ہے۔
خط میں لکھا گیا کہ فنڈز کی کمی، کسٹم ڈیوٹی اور ٹیکسز کی عدم ادائیگی، کسٹمز کنسائنمنٹس کو فوری طور پر کلیئر نہیں کرتا۔
کنسائنمنٹ بروقت کلیئر نہ ہونے کی وجہ سے پاسپورٹ کی پیداواری صلاحیت برقرار رکھنا مشکل ہے۔
28 جولائی کو آنے والی سیاہی کی کھیپ کو ترجیحی بنیادوں پر کلیئر کیا جائے۔
ڈی جی کی جانب سے خط میں مزید لکھا گیا کہ پاکستان کسٹمز مؤخر ادائیگی کی بنیاد پر سیاہی کی کھیپ فوری کلئیر کرے۔
یوٹیوٹ کی ویڈیو دیکھنے کے لیے یہاں کلک کریں
