بھارتی ریاست اتر پردیش میں آسمانی بجلی گرنے کے مختلف واقعات میں بچوں سمیت 38 افراد ہلاک ہو گئے۔
بھارتی میڈیا کے مطابق ریاست اتر پردیش کے مختلف علاقوں میں شدید بارش کے بعد آسمانی بجلی گرنے کے واقعات پیش آئے۔
پرتاب گڑھ ضلع میں آسمانی بجلی گرنے سے سب سے زیادہ 11 اموات ہوئیں۔
اطلاعات کے مطابق اتر پردیش کے ضلع سلطان پور میں 7، چندولی میں 6 اور مین پوری ضلع میں 5 افراد کی موت ہوئی ہے۔
مرنے والوں میں 7 بچے بھی شامل ہیں۔ موسلا دھار بارش سے اتر پردیش کے مختلف علاقے بھی سیلاب کی لپیٹ میں ہیں۔
محکمہ موسمیات نے اتر پردیش اور آس پاس کے علاقوں میں اگلے 5 دنوں تک مزید بارش کی پیش گوئی کی ہے۔
