وفاقی وزیر داخلہ محسن نقوی نے واضح کیا ہے کہ چینی شہریوں کے تحفظ میں کسی قسم کی غفلت برداشت نہیں کی جائے گی۔
متعلقہ اداروں کو ہدایت کی گئی کہ وہ نئے ایس او پی پر 100 فیصد عملدرآمد یقینی بنائیں۔
چینی شہریوں کی سیکیورٹی سے متعلق کور کمیٹی کا اجلاس وزیر داخلہ کی زیر صدارت اسلام آباد میں ہوا۔
اجلاس میں ملک بھر میں چینی شہریوں کی سیکیورٹی کا تفصیلی جائزہ لیا گیا۔
وزیر داخلہ محسن نقوی نے کہا کہ چینی شہریوں کی سلامتی پر کوئی سمجھوتہ یا کوتاہی برداشت نہیں کی جائے گی۔
سیکورٹی آڈٹ کو مقررہ مدت میں یقینی بنایا جائے۔ متعلقہ ادارے باہمی تعاون کے ساتھ نئے ایس او پی پر 100 فیصد عملدرآمد یقینی بنائیں۔
محسن نقوی نے کہا کہ ایس او پی تمام متعلقہ اداروں کی مشاورت سے تیار کیا گیا ہے۔
ان ایس او پیز میں سیکیورٹی کے تمام پہلوؤں پر غور کرنے کی کوشش کی گئی ہے۔ فیلڈ میں کام کرنے والے ادارے مزید سفارشات پیش کریں
کور کمیٹی ان سفارشات کا جائزہ لے گی اور اگر بہتری کی گنجائش ہے تو سفارشات پر عملدرآمد کیا جائے گا۔
