“سولر پینل کی درآمد میں اربوں روپے کی منی لانڈرنگ: ایف بی آر کی تفصیلات”
سولر پینل کی درآمد کی آڑ میں اربوں روپے کی منی لانڈرنگ
سولر پینلز کی درآمد کی آڑ میں اربوں روپے کی منی لانڈرنگ کا انکشاف ہوا ہے۔
فیڈرل بورڈ آف ریونیو (ایف بی آر) نے سولر پینلز کے معاملے پر رپورٹ تیار کر لی۔
رپورٹ کے مطابق 63 درآمد کنندگان کی جانب سے 2017 سے 2022 تک سولر پینل کی درآمدات میں 69.5 ارب روپے کی اوور انوائسنگ کا انکشاف ہوا ہے۔
ایف بی آر کے مطابق دو بڑی کمپنیز نے 72 ارب83 کروڑ روپے پاکستان سے باہر منتقل کیے۔
دو درآمدی کمپنیوں کیخلاف ایف آئی آربھی درج ہے۔ ان کمپنیز نے 72.83 ارب روپے کے سولرپینل درآمد کرکے 45.61 ارب روپے میں فروخت کیے۔
رپورٹ میں کہا گیا ہے کہ کاغذی طور پر دونوں کمپنیوں کے دفاتر پشاور میں ایک ہی عمارت میں قائم تھے۔
تحقیقاتی ٹیم موقع پر گئی تو دونوں کمپنیوں کے دفاتر کبھی موجود ہی نہیں تھے۔
انکم ٹیکس ریکارڈ کے مطابق دونوں کمپنیز جعلی تھیں 20.4 ارب پاکستان سے باہر منتقل کیے۔
یوٹیوٹ کی ویڈیو دیکھنے کے لیے یہاں کلک کریں
