“پاور کمپنیوں کے 190 ہزار ملازمین کو مفت بجلی: سینیٹ کمیٹی کو رپورٹ”
پاور کمپنیوں کے ملازمین کو سالانہ 15 ارب روپے کی مفت بجلی دی جاتی ہے۔
سیکرٹری پاور ڈویژن نے انکشاف کیا ہے کہ پاور کمپنیوں کے 190 ہزار ملازمین کو سالانہ 15 ارب روپے کی مفت بجلی دی جاتی ہے۔
سینیٹر محسن عزیز کی زیر صدارت سینیٹ کی قائمہ کمیٹی برائے توانائی کا اجلاس ہوا۔
جس میں سیکرٹری بجلی ڈویژن نے آئی پی پی اور بجلی کے مسائل کے بارے میں معلومات دیں۔
سیکرٹری بجلی ڈویژن نے کہا کہ ہماری صنعت کی بجلی کی طلب 25 فیصد ہے اور ہماری صنعت کی کھپت مزید کم ہو رہی ہے۔
ہمارا 10 سے 11 ہزار میگاواٹ لوڈ پنکھوں کا ہے جب کہ سردیوں میں لوڈ 11ہزار میگاواٹ تک ہوتا ہے۔
سیکرٹری پاور نے مزید بتایا کہ گزشتہ سال انڈسٹری سے 244 ارب لے کر گھریلوصارفین کو دیے گئے۔
400 یونٹس والے ڈھائی کروڑ صارفین کو 592 ارب سبسڈی دی جاتی تھی جو اب 692 ارب روپے تک ہوگئی ہے۔
سیکرٹری پاور ڈویژن کے مطابق مفت بجلی صرف بجلی کمپنیوں، واپڈا اور جنکوز ملازمین کو ملتی ہے۔
بجلی کمپنیوں کے ایک لاکھ 90 ہزار ملازمین کو سالانہ 15 ارب کی مفت بجلی دی جاتی ہے۔
جب کہ ایک ملازم کو سال کی 78 ہزار روپے کی بجلی مفت دی جاتی ہے۔
یوٹیوٹ کی ویڈیو دیکھنے کے لیے یہاں کلک کریں
