“مستحقین کے لیے سبسڈی ختم: چینی، آٹا، گھی، دال اور چاول کی قیمتوں میں اضافہ”

• “حکومت نے سبسڈی ختم کر دی: یوٹیلیٹی اسٹورز پر اشیاء کے نرخ بڑھ گئے

مستحقین کے لیے چینی، آٹا، گھی، دال اور چاول پر سبسڈی ختم
حکومت نے مستحقین کے لیے چینی، آٹا، گھی، دالوں اور چاول پر دی جانے والی سبسڈی ختم کردی ہے۔
یوٹیلیٹی سٹورز پر رعایتی نرخوں پر اشیاء کی فروخت فوری بند کر دی گئی، یوٹیلیٹی سٹورز پر 50 ارب روپے کی سبسڈی پر عمل درآمد روک دیا گیا۔
حکومت نے سبسڈی روکنے کے زبانی احکامات دیے، تحریری احکامات جلد جاری کر دیے جائیں گے۔
سبسڈی روکنے کا فیصلہ وفاقی کابینہ کے حالیہ اجلاس میں کیا گیا۔
بسڈی روکنے سے 2 کروڑ 60 لاکھ مستحق خاندان متاثر ہوں گے، یوٹیلٹی اسٹورز سے ماہانہ 40 ہزار سے کم آمدن والے افراد کو سبسڈی مل رہی تھی۔
تاہم آٹا، گھی، چاول، چینی اور دالوں پر مزید سبسڈی نہیں ملے گی۔اب یوٹیلٹی اسٹورز پر بھی عام مارکیٹ کے ریٹ پر اشیاء دستیاب ہوں گی۔
یوٹیلٹی اسٹورز پر عوام کو 5 بنیادی اشیاء پر 25 فیصد تک سبسڈی مل رہی تھی۔
سبسڈی کی رقم اب بجلی بلوں میں ریلیف اور دیگر مقاصد پر خرچ ہوگی۔

یوٹیوٹ کی ویڈیو دیکھنے کے لیے یہاں کلک کریں