“میعاد ختم ہونے والے شناختی کارڈ پر پی ٹی اے سم بلاکنگ کا آغاز”
پی ٹی اے نے میعاد ختم ہونے والے شناختی کارڈز پر رجسٹرڈ سموں کو بلاک کرنا شروع کر دیا ۔
پاکستان ٹیلی کمیونیکیشن اتھارٹی (پی ٹی اے) نے غیر قانونی استعمال کو روکنے کے لیے موبائل فون سمز بلاک کرنے کا دوسرا مرحلہ شروع کر دیا ہے۔
پی ٹی اے کے ترجمان کا کہنا ہے کہ اس مرحلے پر وہ صارفین جن کے شناختی کارڈ کی میعاد 2017 سے پہلے ختم ہوچکی ہے اور انہوں نے اس کی تجدید نہیں کرائی ہے۔
ان شناختی کارڈز پر رجسٹریشن نمبرز بلاک کر دیے جائیں گے۔
ترجمان پاکستان ٹیلی کمیونیکیشن اتھارٹی (پی ٹی اے) نے شہریوں پر زور دیا ہے کہ وہ اپنے شناختی کارڈ کی تجدید کرائیں تاکہ موبائل فونز سموں کو بلاک ہونے سے بچایا جا سکے۔
اس سے قبل اتھارٹی نے پہلے مرحلے میں جعلی سموں اور ایکسپائر شناختی کارڈ پر رجسٹر سموں کو بلاک کیا تھا۔
تیسرے مرحلے میں انتقال کر جانے والے شہریوں کے شناختی کارڈ پر رجسٹر سموں کو بند کیا جائے گا۔
ترجمان پاکستان ٹیلی کمیونیکیشن اتھارٹی (پی ٹی اے) نے مزید بتایا کہ نادرا ڈیٹا کی بنیاد پر غیر قانونی سموں کو بند کیا جا رہا ہے۔
ٹیکس فراڈ اور دیگر غیر قانونی سرگرمیوں میں جعلی سمیں استعمال ہو رہی ہیں۔
یوٹیوٹ کی ویڈیو دیکھنے کے لیے یہاں کلک کریں
