سیاسی استحکام کا فقدان: مولانا فضل الرحمان کا بیان
ہر ادارہ کمزوری کی طرف بڑھ رہا ہے، مولانا فضل الرحمان
جے یو آئی کے سربراہ مولانا فضل الرحمان نے کہا ہے کہ ملک کا ہر ادارہ کمزوری کی طرف بڑھ رہا ہے۔
کراچی میں ایک تقریب سے خطاب کرتے ہوئے جے یو آئی کے سربراہ مولانا فضل الرحمان نے کہا کہ پاکستان میں سیاسی استحکام نہیں ہے۔
ہر ایک ادارہ کمزوری کی طرف جا رہا ہے۔انہوں نے کہا کہ آئین پرعمل نہیں ہوگا۔
تو عدم استحکام کا شکار ہوں گے، تبدیلیاں لائیں لیکن مخصوص سیاسی مفاد نظر نہیں آنا چاہیے۔
ملک میں نہ آئین محفوظ ہے اور نہ پارلیمنٹ۔ان کا کہنا تھا کہ ملک کے معاشی حالات اس وقت بہتر نہیں۔
جو اسمبلی بیٹھی ہے اس کا عوام کی نمائندگی سے کوئی تعلق نہیں، دوست ممالک سوچ رہے ہیں کہ پاکستان کو کیسے بچائیں؟
اپنے خطاب میں مولانا فضل الرحمن نے کہا کہ دنیا ہمارے ساتھ کاروبار کرنے کو تیار نہیں۔
بنیادی چیز امن وامان اور خوشحال معیشت ہے۔
جدید ٹیکنالوجی میں بزنس کیمونٹی کی دلچسپی پر خوشی ہے، آئی ٹی کے شعبے سے رینیو بڑھایا جا سکتا ہے۔
یوٹیوٹ کی ویڈیو دیکھنے کے لیے یہاں کلک کریں
