سلمان خان کو بشنوئی گروپ کی دھمکی: 5 کروڑ روپے کا مطالبہ
بشنوئی گروپ کا سلمان خان سے دشمنی ختم کرنے کیلئے رقم کا مطالبہ
لارنس بشنوئی گروپ نے بالی ووڈ کے معروف و سینئر اداکار سلمان خان سے دشمنی ختم کرنے کے لیے رقم کا مطالبہ کردیا ہے۔
بھارتی میڈیا رپورٹس کے مطابق اداکار سلمان خان کو واٹس ایپ پر لارنس بشنوئی گروپ کی جانب سے ایک اور دھمکی آمیز پیغام بھیجا گیا ۔
جس میں بشنوئی گروپ نے دشمنی ختم کرنے کے لیے 5 کروڑ روپے کا مطالبہ کیا ہے۔
واٹس ایپ پیغام میں خبردار کیا گیا کہ اگر رقم ادا نہ کی گئی تو سلمان خان کا حشر مہاراشٹر کے سابق وزیر بابا صدیقی سے بھی بُرا ہوگا۔
یہ دھمکی ممبئی ٹریفک پولیس کو ایک واٹس ایپ پیغام کے ذریعے بھیجی گئی ہے۔
پیغام میں مزید کہا گیا کہ ’’اسے ہلکا نہ لیں، اگر سلمان خان زندہ رہنا چاہتے ہیں اور لارنس بشنوئی کے ساتھ دشمنی ختم کرنا چاہتے ہیں تو انہیں پانچ کروڑ روپے ادا کرنے ہوں گے۔
اگر رقم نہ دی گئی تو ان کی حالت بابا صدیقی سے بھی بدتر ہوجائے گی۔‘‘
یوٹیوٹ کی ویڈیو دیکھنے کے لیے یہاں کلک کریں
