“تاجر برادری سے ملاقات: حکومت نے بجلی کی قیمتوں میں کمی کی یقین دہانی کرائی”
حکومت کی ایک ماہ میں بجلی کی قیمتیں کم کرنے کی یقین دہانی
وفاقی حکومت نے تاجر برادری کے ایک وفد کو ایک ماہ میں بجلی کی قیمتیں کم کرنے کی یقین دہانی کرادی ہے۔
میڈیا رپورٹ کے مطابق آل پاکستان ٹیکسٹائل ملز ایسوسی ایشن (اپٹما) کے چیئرمین کامران ارشد کی سربراہی میں تاجروں کے وفد نے وزیر مملکت خزانہ علی پرویز ملک سے ملاقات کی۔
ملاقات کے دوران اپٹما وفد نے ٹیکسٹائل سیکٹر کے مسائل کے بارے میں وزیر مملکت کو بریفنگ دی اور ملکی برآمدات کو بڑھانے کے لیے اپنی تجاویز بھی پیش کیں۔
ملاقات کے بعد چیئرمین اپٹما کامران ارشد نے میڈیا سے گفتگو کرتے ہوئے کہا کہ ٹیکسٹائل سیکٹر کو مہنگی بجلی کا سامنا کرنا پڑ رہا ہے۔
ایکسپورٹ فسیلیٹیشن اسکیم میں بے شمار مسائل ہیں۔
سابق چیئرمین اپٹما آصف انعام نے دعویٰ کیا کہ وزیر مملکت خزانہ نے اپٹما وفد کو ایک ماہ میں بجلی کی قیمتیں کم کرنے کی یقین دہانی کرادی ہے۔
اور انڈیپنڈنٹ پاور پروڈیوسر (آئی پی پیز) سے مذاکرات کے نتیجے میں بجلی کی قیمتیں کم ہوں گی۔
یوٹیوٹ کی ویڈیو دیکھنے کے لیے یہاں کلک کریں
