“آئی ایم ایف: موجودہ قرض پروگرام پاکستان کا آخری ہوسکتا ہے”

“اگر پاکستان ایمانداری سے عمل کرے تو یہ آخری قرض پروگرام ہو سکتا ہے: آئی ایم ایف”

موجودہ قرض پروگرام پاکستان کا آخری ہوسکتا ہے، آئی ایم ایف
پاکستان میں عالمی مالیاتی ادارے (آئی ایم ایف) کے مشن چیف ناتھن پورٹر نے کہا ہے کہ پاکستان ایمانداری سے معاشی تجاویز پر عمل کرے تو یہ اس کا آخری قرض پروگرام ہو سکتا ہے۔
آئی ایم ایف مشن چیف ناتھن پورٹر نے امریکی نشریاتی ادارے سے گفتگو کرتے ہوئے کہا کہ 2023 کے وسط میں پاکستان کی معیشت نے جو اتار چڑھاؤ اور بے یقینی دیکھی تھی۔
اس کے بعد ملک میں معاشی استحکام آیا ہے۔انہوں نے کہا کہ اس پروگرام سے معیشت کو آگے بڑھانے کے لئے ایک اچھی بنیاد مل سکتی ہے۔
اور اگر پاکستان ایمانداری سے معاشی تجاویز پر عمل کرے تو یہ اس کا آخری پروگرام ہو سکتا ہے۔
قرض کی سخط شرائط کے سوال پر آئی ایم ایف مشن چیف کا کہنا تھا کہ کسی بھی ملک کے درپیش مخصوص مسائل کو مدنظر رکھا جاتا ہے۔
اور ان کے حل بتائے جاتے ہیں، پاکستان کا موجودہ پروگرام بھی مختلف نہیں اور نہ ہی یہ زیادہ سخت ہے۔

یوٹیوٹ کی ویڈیو دیکھنے کے لیے یہاں کلک کریں