امریکہ کو ایران کا جواب: ٹرمپ کو قتل نہ کرنے کا اعلان

ایران نے ٹرمپ کو قتل نہ کرنے کا واضح اعلان کردیا
امریکہ کے الزام پر ایران نے ٹرمپ کو قتل نہ کرنے کا واضح اعلان کردیا۔
امریکی میڈیا کی رپورٹ کے مطابق امریکہ کو موصول خط میں ایران نے کہا کہ وہ نو منتخب امریکی صدر ڈونلڈ ٹرمپ کے قتل کی سازش نہیں کرے گا۔
جو بائیڈن انتظامیہ نے ایران کو خبردار کیا تھا کہ ڈونلڈ ٹرمپ کے قتل کی ایرانی کوشش جنگ تصور ہوگی۔
جس پر ایران نے امریکہ کو خط لکھا ہے۔امریکہ نے ٹرمپ کے قتل کی مبینہ منصوبہ بندی کے الزام میں ایک افغان شہری کو گرفتار کیا تھا ۔
جس کے بارے میں ان کا کہنا تھا کہ اس کا تعلق ایرانی پاسداران انقلاب سے ہے۔
خیال رہے کہ ٹرمپ پر دو بار قاتلانہ حملے کی کوشش ہو چکی ہے۔
جس میں سے ایک بار پنسلوینیا میں انتخابی ریلی کے دوران وہ بال بال بچ گئے تھے۔
اور گولی ان کے کان کو چھوتی ہوئی گزر گئی تھی۔

یوٹیوٹ کی ویڈیو دیکھنے کے لیے یہاں کلک کریں