پاکستان کرکٹ ٹیم کے عبوری ریڈ بال کوچ: عاقب جاوید کی پہلی اسائنمنٹ جنوبی افریقہ کے خلاف

عاقب جاوید عبوری ریڈ بال کوچ مقرر
پاکستان کرکٹ بورڈ نے جیسن گلیسپی کے استعفے کے بعد عاقب جاوید کو عبوری ریڈ بال ہیڈ کو چ مقرر کر دیاہے ۔
ریڈ بال کے ہیڈ کوچ کے طور پر عاقب کی پہلی اسائنمنٹ جنوبی افریقہ کے خلاف جاری آل فارمیٹ ٹور کے دوران دو میچوں کی ٹیسٹ سیریز ہوگی۔
دونوں ٹیموں کے درمیان پہلا ٹیسٹ 26 سے 30 دسمبر تک سنچورین کے سپر اسپورٹ پارک میں کھیلا جائے گا۔
دوسرا ٹیسٹ 3 سے 7 جنوری تک کیپ ٹاؤن کے نیو لینڈز کرکٹ گراؤنڈ میں کھیلا جائے گا۔
پاکستان ٹیم اس وقت جنوبی افریقہ میں تین میچوں کی ٹی ٹوئنٹی سیریز کھیل رہی ہے ۔
جس کے بعد تین ون ڈے میچوں کی سیریز کھیلی جائے گی۔
یاد رہے کہ پی سی بی نے اسسٹنٹ کوچ ٹم نیلسن کے معاہدے میں توسیع نہ کرنے کا فیصلہ کیا تھا۔
جس کے بعد ہیڈ کوچ جیسن گلیسپی ناراض دکھائی دیئے اور انہوں نے استعفیٰ دینے کا فیصلہ کیا ۔

یوٹیوٹ کی ویڈیو دیکھنے کے لیے یہاں کلک کریں