“شاہین آفریدی کو ٹیسٹ اسکواڈ سے باہر رکھنے کی وجہ کیا تھی؟”

شاہین آفریدی کو اسکواڈ میں شامل نہ کرنے کی وجہ سامنے آگئی
قومی فاسٹ بولر شاہین شاہ آفریدی کو جنوبی افریقہ کے خلاف ٹیسٹ اسکواڈ میں شامل نہ کرنے کی وجہ سامنے آگئی ہے۔
قومی فاسٹ بولر نے جنوبی افریقہ کے خلاف ون ڈے سیریز میں شاندار کارکردگی کا مظاہرہ کرتے ہوئے سب سے زیادہ 7 وکٹیں حاصل کیں تھی۔
اور پاکستان کی کامیابی میں بھی ان کا اہم کردار رہا تھا۔
تاہم ون ڈے سیریز میں غیر معمولی پرفارمنس کے باجود بھی قومی فاسٹ بولر کو ٹیسٹ سیریز کے لیے اسکواڈ میں شامل نہیں کیا گیا ہے۔
میڈیا رپورٹس کے مطابق اسکواڈ کے اعلان سے قبل ایک سلیکٹر کی جانب سے مبینہ طور پر شاہین آفریدی کو فون کرکے چار روزہ میچ میں شرکت کی ہدایت کی گئی تھی۔
لیکن کچھ وجوہات کی بنا پر وہ اس ہدایت پر عمل نہیں کرسکے۔
میڈیا رپورٹ میں دعویٰ کیا گیا ہے شاہین آفریدی کو ٹیسٹ اسکواڈ سے باہر رکھنے کی ایک اہم وجہ ان کا انکار ہے ۔
جس کو سلیکٹر نے نافرمانی سے تعبیر کیا اور پھر انہیں اسکواڈ سے خارج کردیا گیا۔

یوٹیوٹ کی ویڈیو دیکھنے کے لیے یہاں کلک کریں