اداکارہ نرگس اور شوہر ماجد بشیر کی صلح، عدالت میں ضمانت کی درخواست واپس
تشدد کیس، اداکارہ نرگس اور شوہر کے درمیان صلح ہو گئی
لاہور کی سیشن کورٹ میں مبینہ تشدد کے مقدمے کے معاملے پر اسٹیج اداکارہ نرگس اور ان کے شوہر ماجد کے درمیان صلح ہوگئی۔
اداکارہ نرگس نے لاہور کے علاقے ڈیفنس سی میں شوہر کےخلاف تشدد کا مقدمہ درج کروایا تھا۔
پولیس کو درج کروائے گئے مقدمے میں اداکارہ نے بتایا تھا کہ ان کے شوہر انسپکٹر ماجد بشیر نے پیسوں کے تنازع پر جھگڑے کے دوران انھیں تشدد کا نشانہ بنایا۔
تاہم اب اداکارہ نرگس اور شوہر کے درمیان صلح ہوگئی ہے۔
دونوں فریقین کی جانب سے باہمی رضا مندی سے صلح نامہ عدالت میں جمع کروایا گیا ہے۔
جس کے بعد عدالت سے اداکارہ کے شوہر ماجد بشیر نے عبوری ضمانت کی درخواست واپس لے لی ہے۔
یوٹیوٹ کی ویڈیو دیکھنے کے لیے یہاں کلک کریں
