“پی ٹی آئی نے سیاسی کمیٹی میں تبدیلیاں کیں، عالیہ حمزہ اور کنول شوذب شامل”
تحریک انصاف نے سیاسی کمیٹی کی تشکیل نو کردی
پاکستان تحریک انصاف (پی ٹی آئی) نے سیاسی کمیٹی کی تشکیل نو کردی۔
پی ٹی آئی کور کمیٹی اور سیاسی کمیٹی کے اجلاس میں ارکان نے ویڈیو لنک پر شرکت کی۔
عالیہ حمزہ اور کنول شوذب کو سیاسی کمیٹی میں شامل کرلیا گیا۔
چیئرمین تحریک انصاف بیرسٹر گوہر نے شرکا کو حکومت سے مذاکرات ختم ہونے کے بارے میں آگاہ کیا۔
الیکشن کمیشن میں تقرریوں پر بھی بریفنگ دی۔
کہا حکومت الیکشن کمیشن میں تقرریوں کے معاملے پر تاخیر کر رہی ہے۔
آئین کے مطابق پینتالیس روز میں الیکشن کمیشن کی تقرریاں لازمی ہیں۔
بیرسٹر گوہر نے کہا کہ ہمارا چیف الیکشن کمشنر پر اعتماد نہیں، ہم جلد پارلیمانی کمیٹی کے نام سامنے لے آئیں گے۔
ہمارے ارکان کا نوٹیفکیشن کرنے پر ہمیں مخصوص نشستیں ملنی چاہیں۔
یوٹیوٹ کی ویڈیو دیکھنے کے لیے یہاں کلک کریں
