عید پر بارش کا الرٹ، پی ڈی ایم اے کا ہنگامی انتباہ جاری

صوبہ پنجاب کے مختلف علاقوں میں 2 جون سے 5 جون تک آندھی، گرد آلود ہوائیں اور گرج چمک کے ساتھ بارشوں کا امکان ہے۔
پنجاب ڈیزاسٹر مینجمنٹ اتھارٹی (PDMA) نے موسمیاتی ایمرجنسی الرٹ جاری کر دیا ہے، شہریوں کو احتیاطی تدابیر اختیار کرنے کی سختی سے ہدایت کی گئی ہے۔
پی ڈی ایم اے کے مطابق راولپنڈی، مری، گلیات، اٹک، چکوال، منڈی بہاؤالدین، گجرات، جہلم اور گوجرانوالہ میں تیز آندھی اور بارش متوقع ہے۔
2 سے 4 جون کے دوران لاہور، قصور، سیالکوٹ، نارووال، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا اور میانوالی میں بھی موسلا دھار بارشیں ہو سکتی ہیں۔
جنوبی پنجاب بھی اس سسٹم کی لپیٹ میں آ سکتا ہے، جہاں ملتان، ڈیرہ غازی خان، بہاولپور اور بہاولنگر میں بارش کی پیشگوئی کی گئی ہے۔

یوٹیوٹ کی ویڈیو دیکھنے کے لیے یہاں کلک کریں