سیکیورٹی فورسز کی بڑی کامیابی: پاک افغان سرحد سے مبینہ خودکش حملہ آور گرفتار

سکیورٹی فورسز نے پاک افغان سرحد سے خوارج کی دراندازی کی کوشش ناکام بناکر 5 مبینہ خودکش حملہ آوروں کو گرفتار کرلیا۔
سکیورٹی ذرائع کے مطابق 17 جولائی کی شام 5 بجے خوارج نے پاک افغان سرحد سے دراندازی کی کوشش کی۔
، سکیورٹی فورسز نے اطلاع ملتے ہی 5 مختلف مقامات پر ناکہ بندی کردی اور شام 6 بج کر 25 منٹ پر خوارج سرحد سے پاکستانی حدود میں داخل ہوئے۔
سکیورٹی ذرائع نے بتایا کہ دراندازی کے بعد خوارج نے عزیز خیل اور منڈی خیل کی سمت پیش قدمی کی ۔
جہاں فورسز کی موجودگی کے باعث خوارج نے بیسی خیل کی مسجد میں پناہ لے لی۔
جس کے بعد سکیورٹی فورسز نے فوری طور پر مسجد کا محاصرہ کیا۔
سکیورٹی ذرائع کے مطابق سکیورٹی فورسز کی بہترین حکمت عملی کے باعث خوارج نے ہتھیار ڈال دیے۔

یوٹیوٹ کی ویڈیو دیکھنے کے لیے یہاں کلک کریں