پنجاب اسمبلی: اپوزیشن کے 26 معطل ارکان بحال ہونے کے بعد سیاسی گرما گرمی متوقع
قائم مقام اسپیکر پنجاب اسمبلی نے اپوزیشن کے 26 معطل ارکان بحال کردیے
قائم مقام اسپیکر پنجاب اسمبلی ظہیر اقبال چنڑ نے اپوزیشن کے 26 معطل ارکان کی رکنیت بحال کرنے کا فیصلہ کرتے ہوئے فوری نوٹیفکیشن جاری کردیا ہے۔
یاد رہے کہ اسپیکر پنجاب اسمبلی ملک احمد خان نے پنجاب اسمبلی کے بجٹ اجلاس میں ہنگامہ آرائی کرنے پر اپوزیشن کے 26 ارکان کو معطل کیا تھا۔
اسپیکر کی جانب سے معطل ارکان کے خلاف الیکشن کمیشن میں ریفرنس دائر کرنے کا فیصلہ بھی کیا گیا تھا۔
تاہم، حکومت اور اپوزیشن کے درمیان اس معاملے پر مذاکرات ہوئے تھے جس کے نتیجے میں اراکین کو بحال کرنے کا فیصلہ کیا گیا۔
منگل کو قائم مقام اسپیکر پنجاب اسمبلی ظہیر اقبال چنڑ نے اراکین کی بحالی کے حوالے سے نوٹیفکیشن جاری کرتے ہوئے ہدایت کی کہ بحال شدہ ارکان کو فوری طور پر ایوان میں شرکت کی اجازت دی جائے تاکہ وہ اپنے حلقوں کی آزادانہ نمائندگی کرسکیں۔
یوٹیوٹ کی ویڈیو دیکھنے کے لیے یہاں کلک کریں
