پولیس شہداء کا لہو ہماری ریاست کی بنیاد ہے، ہم اسے کبھی فراموش نہیں کریں گے:مریم نواز

لاہور: وزیراعلیٰ پنجاب مریم نواز شریف نے کہا ہے کہ پولیس شہداء کا لہو ہماری ریاست کی بنیاد ہے ہم اسے کبھی فراموش نہیں کریں گے۔
وزیراعلیٰ مریم نواز نےیوم شہداء پولیس پر پیغام دیتے ہوئے کہا کہ پنجاب پولیس کے ان جانبازوں کو سلام جنہوں نے اپنا خون دے کر وطن کو امن کا گہوارہ بنایا۔
انہوں نے کہا کہ کسی ماں نے بیٹا، کسی بیوی نے سہاگ اور کسی بچے نے باپ کھو دیا تاکہ ہم سب محفوظ رہیں۔
، پنجاب کے ہر گلی کوچے کا امن کسی شہید کی آخری سانس کا نتیجہ ہے۔
مریم نواز نے کہا کہ سلام ہے ان ماؤں کو جنہوں نے بیٹے شہید کروا دیے اور ان بیٹوں کو جنہوں نے سر جھکانے سے انکار کیا۔
، پولیس شہداء کا خون ہماری ریاست کی سب سے مضبوط اینٹ ہے،۔
ریاست کی اصل طاقت وہ سپاہی ہیں جنہوں نے گولی کے سامنے سینہ کیا اور پیچھے قدم نہ ہٹایا-

یوٹیوٹ کی ویڈیو دیکھنے کے لیے یہاں کلک کریں