پنجاب میں تعلیم: پانچویں اور آٹھویں جماعت کے امتحانات سرکاری طور پر لینے کا فیصلہ
پنجاب کابینہ نے صوبے میں پانچویں اور آٹھویں جماعت کے امتحانات سرکاری طور پر لینے کی منظوری دے دی جبکہ صنعتی ورکرز کو 1282 فلیٹس دینے اور ہنر مند، نیم ہنرمند سمیت دیگر 102 زمروں میں ورکرز کی تنخواہ یکساں طور پر 40 ہزار کرنے کی بھی منظوری دے دی گئی۔
وزیراعلیٰ پنجاب مریم نواز کی زیر صدارت صوبائی کابینہ کے 28 ویں اجلاس میں 123 نکاتی ایجنڈا پیش کیا گیا۔
، وزیراعلیٰ مریم نواز نے ورکرز سے فلیٹس کی قیمت وصول کرنے کی تجویز مسترد کر دی اور صنعتی ورکرزکے لئے مزید 3 ہزار فلیٹس بنانے کے لیے فوری اقدامات کا حکم دے دیا۔
وزیراعلیٰ پنجاب نے فلڈ ڈیوٹی سرانجام دینے والے ریسکیو اہلکاروں کے لیے50،50 ہزار روپے انعام کا اعلان کر دیا۔
صوبائی کابینہ نے پنجاب میں کلاس پانچویں اور آٹھویں کے امتحانات سرکاری طور پر لینے کی منظوری دی۔
اس کے علاوہ صوبائی کابینہ نے ملازمین کی بیوہ کو تاحیات پنشن دینے کی منظوری دے دی ۔
یوٹیوٹ کی ویڈیو دیکھنے کے لیے یہاں کلک کریں
