وزیر اعظم کی خیبر پختونخوا کے سیلاب متاثرہ علاقوں میں مسلسل بجلی فراہم کرنے کی ہدایت
وزیر اعظم شہباز شریف نے خیبر پختونخوا کے سیلاب سے متاثرہ علاقوں میں مسلسل بجلی فراہم کرنے کی ہدایت کردی۔
وزیراعظم شہباز شریف کی زیر صدارت حالیہ بارشوں و سیلاب اور امدادی کارروائیوں کے متعلق اجلاس ہوا ۔
جس میں انہوں نے خیبر پختونخوا کے سیلاب سے متاثرہ علاقوں میں مسلسل بجلی فراہم کرنے کی ہدایت کی اور کہا کہ متاثرین میں امدادی رقوم کی تقسیم کیلئے ضروری کارروائی مکمل کی جائے۔
شہباز شریف نے ہدایت کی کہ امدادی اشیاء پر مشتمل ٹرکوں کی تعداد کو فوری طور پر دگنا کیا جائے۔
اور وزیرآبی وسائل معین وٹو آزاد کشمیر اور وزیر عوامی امور رانا مبشر اقبال صوابی جائیں۔
شہباز شریف کا کہنا تھا کہ وزراء کی متاثرین کی مدد وانفراسٹرکچر کی بحالی کی خود نگرانی قابل ستائش ہے۔
اور ہم سب مصیبت کی گھڑی میں اپنے پاکستانی بہن بھائیوں کے ساتھ ہیں۔
یوٹیوٹ کی ویڈیو دیکھنے کے لیے یہاں کلک کریں
