اڈیالہ جیل کے باہر دھرنے کا معاملہ، علیمہ خان سمیت 400 افراد کیخلاف مقدمہ درج

راولپنڈی:گزشتہ رات اڈیالہ جیل کے باہر دھرنا دینے پر عمران خان کی ہمشیرہ علیمہ خان سمیت 400 ملزمان کے خلاف مقدمہ درج کر لیا گیا۔
مقدمہ تھانہ صدر بیرونی نے انسداد دہشتگری ایکٹ کی دفعات کے تحت 35 نامزد ملزمان سمیت 400 افراد کےخلاف درج کیا۔
مقدمے میں علیمہ خان، نورین نیازی، قاسم خان، سلمان اکرم راجہ اور عالیہ حمزہ کو بھی نامزد کیا گیا ہے۔
جبکہ نعیم حیدر پنجوتھہ، تابش فاروق، طیبہ راجا، نادیہ خٹک، ہارون، راجا اسد عباس، ظفر گوندل، شفقت عباس اور علامہ راجہ ناصر عباس کو بھی نامزد کیا گیا ہے۔
مقدمے میں ریاست پر حملے کی مجرمانہ سازش کی منصوبہ بندی کی دفعہ 120 بھی شامل کی گئی ہے۔
مقدمے کے متن کے مطابق14 ملزمان کو گزشتہ رات موقع سے گرفتار کیا گیا، گرفتار ملزمان کو انسداد دہشتگری عدالت میں پیش کر دیا گیا۔
، ملزمان پر دفعہ 144 کی خلاف ورزی اور پولیس پر حملوں کا بھی الزام ہے۔

خبر کی تفصیل کے لیے لنک پر کلک کریں۔