بنگلہ دیش سے شکست کے بعد شان مسعود کی کپتانی خطرے میں، سلمان علی آغا مضبوط امیدوار

بنگلہ دیش کے خلاف ٹیسٹ سیریز میں مایوس کن شکست کے بعد قومی ٹیسٹ ٹیم کے کپتان شان مسعود کی قیادت خطرے میں پڑ گئی ہے، جبکہ سلمان علی آغا کو نئی ذمہ داری سونپے جانے کا امکان ظاہر کیا جا رہا ہے۔ذرائع کے مطابق بنگلہ دیش کے ہاتھوں مسلسل دوسری سیریز میں ناکامی کے بعد پاکستان ٹیسٹ ٹیم کی قیادت میں تبدیلی کا فیصلہ زیر غور ہے۔
ذرائع کا کہنا ہے کہ ہیڈ کوچ سرفراز احمد شان مسعود کی کپتانی سے مطمئن نہیں اور ٹیم کے متعدد فیصلوں پر ناراضی کا اظہار بھی کیا گیا ہے۔ بتایا گیا ہے کہ خراب انفرادی کارکردگی کے باعث شان مسعود اجلاس میں مؤثر انداز میں اپنا مؤقف پیش نہ کر سکے۔
ذرائع کے مطابق ہیڈ کوچ سلمان علی آغا کو قومی ٹیسٹ ٹیم کی قیادت دینے کے حق میں ہیں اور اس حوالے سے اپنی رپورٹ جلد چیئرمین پی سی بی کو پیش کریں گے۔ادھر بنگلہ دیش کے خلاف عبرتناک شکست کے بعد ٹیم کے اندر اختلافات کی اطلاعات بھی سامنے آئی ہیں۔
ذرائع کے مطابق ہیڈ کوچ سرفراز احمد نے ٹیم منیجر کی موجودگی میں کھلاڑیوں کو سخت پیغام دیتے ہوئے ناقص کارکردگی پر شدید برہمی کا اظہار کیا۔