ایران کو مذاکرات میں تاخیر کی بھاری قیمت چکانا ہوگی، ڈونلڈ ٹرمپ کی سخت تنبیہ

امریکہ کے صدر ڈونلڈ ٹرمپ نے کہا ہے کہ ایران نے مذاکرات کے عمل میں تاخیر کی اور اب اسے اس کے نتائج بھگتنا ہوں گے۔اپنے سوشل میڈیا پلیٹ فارم “ٹروتھ سوشل” پر جاری بیان میں انہوں نے دعویٰ کیا کہ ایران کی فوجی صلاحیتیں شدید نقصان سے دوچار ہو چکی ہیں، جبکہ بحری اور فضائی افواج سمیت کئی شعبے عملی طور پر غیر مؤثر ہو گئے ہیں۔
امریکی صدر کے مطابق ایران مسلسل بیانات تک محدود ہے اور عملی اقدامات سے گریز کر رہا ہے۔ ان کا کہنا تھا کہ مشرقِ وسطیٰ میں ایک “جارح ریاست” کے طور پر جانے جانے والا ایران اب کمزور ہو چکا ہے۔انہوں نے مزید کہا کہ ایران نے ایک ایسے معاہدے پر بروقت مذاکرات نہیں کیے ۔
جو اس کے لیے فائدہ مند ثابت ہو سکتا تھا، اور اب اس تاخیر کی قیمت اسے ادا کرنا پڑے گی۔ڈونلڈ ٹرمپ کے اس بیان کے بعد خطے میں کشیدگی سے متعلق بحث ایک بار پھر شدت اختیار کر گئی ہے۔