موٹروے پولیس کی بڑی کارروائی، 22 کروڑ روپے مالیت کے نان کسٹم پیڈ سگریٹ برآمد، 11 ٹرک ضبط

موٹروے پولیس نے کامیاب کارروائی کرتے ہوئے کروڑوں روپے مالیت کے نان کسٹم پیڈ سگریٹ اسمگل کرنے کی کوشش ناکام بنا دی۔ کارروائی کے دوران 11 ٹرکوں سے بڑی مقدار میں غیر قانونی سگریٹ برآمد کر لیے گئے۔ترجمان موٹروے پولیس کے مطابق چکری کے قریب خفیہ اطلاع پر کارروائی کی گئی۔
، جس میں 11 ٹرکوں کی تلاشی کے دوران نان کسٹم پیڈ سگریٹ برآمد ہوئے۔ ابتدائی اطلاعات کے مطابق یہ سگریٹ پشاور سے لاہور منتقل کیے جا رہے تھے۔کارروائی کے دوران تمام 11 ٹرک تحویل میں لے لیے گئے جبکہ ان کے 11 ڈرائیورز کو بھی حراست میں لیا گیا۔
ترجمان نے بتایا کہ برآمد ہونے والے نان کسٹم پیڈ سگریٹ کی مجموعی مالیت تقریباً 22 کروڑ روپے ہے۔موٹروے پولیس نے برآمد شدہ سگریٹ، ضبط شدہ ٹرکوں اور گرفتار ملزمان کو مزید قانونی کارروائی کے لیے کسٹمز حکام کے حوالے کر دیا ہے۔