راولپنڈی میں فوج کی تعیناتی کی منظوری، نوٹیفکیشن جاری

وفاقی حکومت نے آئین کے آرٹیکل 245 کے تحت راولپنڈی میں امن و امان برقرار رکھنے کے لیے پاک فوج تعینات کرنے کی منظوری دے دی، جس کا نوٹیفکیشن بھی جاری کردیا گیا ہے۔نوٹیفکیشن کے مطابق راولپنڈی میں پاک فوج کی 3 کمپنیاں تعینات کی جائیں گی، جبکہ فوج سیکیورٹی کے حوالے سے ضلعی انتظامیہ کی معاونت کرے گی۔
نوٹیفکیشن میں کہا گیا ہے کہ پاک فوج کو کسی بھی ممکنہ بدامنی سے نمٹنے اور امن و امان برقرار رکھنے کے لیے تعینات کیا جا رہا ہے۔واضح رہے کہ ہوم ڈیپارٹمنٹ پنجاب نے وفاقی وزارت داخلہ سے راولپنڈی میں فوج تعینات کرنے کی درخواست کی تھی۔