معاشی جنگ پر ایران کی امریکا کو وارننگ، آبنائے ہرمز سے تیل برآمد روکنے کی دھمکی
ایرانی سپریم نیشنل سکیورٹی کونسل کے سربراہ میجر جنرل محسن رضائی نے امریکا کو خبردار کرتے ہوئے کہا ہے کہ اگر ایران کے خلاف معاشی جنگ جاری رہی تو آبنائے ہرمز سے تیل کا ایک قطرہ بھی برآمد نہیں ہونے دیا جائے گا۔سوشل میڈیا پلیٹ فارم ایکس پر جاری بیان میں محسن رضائی نے کہا کہ ایران کے خلاف امریکی معاشی جنگ میں کسی بھی ملک کی حمایت کو تہران جنگی اقدام تصور کرے گا۔
ان کا کہنا تھا کہ آبنائے ہرمز کی سکیورٹی اور انتظام ساحلی ممالک کے کنٹرول میں ہونا چاہیے۔انہوں نے مزید کہا کہ جو ممالک امریکا کو سہولت فراہم کریں گے، انہیں ایران کے خلاف عائد معاشی پابندیوں کا ذمہ دار تصور کیا جائے گا۔
دوسری جانب ایرانی پاسداران انقلاب کے ترجمان بریگیڈیئر جنرل حسین محیبی نے اپنے بیان میں کہا کہ امریکا کی جانب سے ایران کے خلاف معاشی حملے کا اعلان فوجی محاذ پر ناکامی کا اعتراف ہے۔حسین محیبی کے مطابق اگر امریکا جنگ میں کامیابی حاصل کرچکا ہوتا تو اسے معاشی دباؤ کے حوالے سے بیانات اور اقدامات کی ضرورت پیش نہ آتی۔
انہوں نے دعویٰ کیا کہ امریکا گزشتہ 47 برس سے ایران کے خلاف اقتصادی جنگ جاری رکھے ہوئے ہے۔
تبصرے
Please keep the discussion respectful.