امریکا معاہدے پر عمل کرے تو ایران بھی ذمہ داریاں پوری کرے گا، ایرانی صدر

بشکیک: ایرانی صدر مسعود پزشکیان نے کہا ہے کہ اگر امریکا جون میں طے پانے والے عبوری معاہدے کے تحت اپنی ذمہ داریوں اور وعدوں پر واپس آتا ہے تو ایران بھی فوری طور پر اسی کے مطابق جواب دے گا۔
بشکیک میں شنگھائی تعاون تنظیم (ایس سی او) کے اجلاس کے موقع پر گفتگو کرتے ہوئے مسعود پزشکیان نے کہا کہ ایران امریکا کے ساتھ ہونے والے عبوری معاہدے کی شرائط پر عملدرآمد کے لیے تیار ہے، تاہم اس کے لیے واشنگٹن کو بھی اپنی ذمہ داریاں پوری کرنا ہوں گی۔
ایرانی صدر کے مطابق اگر امریکا جون میں طے پانے والے عبوری معاہدے کے تحت اپنے وعدے پورے کرتا ہے تو تہران بھی فوری طور پر اسی کے مطابق اقدامات کرے گا۔ انہوں نے کہا کہ ایران نے ہمیشہ اپنے وعدوں اور بین الاقوامی معاہدوں کی پاسداری کی ہے۔
واضح رہے کہ ایران اور امریکا کے درمیان کشیدگی ایک بار پھر بڑھ گئی ہے۔ حالیہ فوجی کارروائیوں اور ایک دوسرے کے خلاف حملوں کے بعد دونوں ممالک کے درمیان مذاکرات اور ممکنہ سیاسی حل کے امکانات پر عالمی سطح پر توجہ مرکوز ہے۔