پٹرولیم مصنوعات مہنگی ہونے پر گڈز ٹرانسپورٹرز نے کرایوں میں 5 فیصد اضافہ کردیا

پٹرولیم مصنوعات کی قیمتوں میں اضافے کے بعد گڈز ٹرانسپورٹرز نے مال برداری کے کرایوں میں 5 فیصد اضافے کا اعلان کردیا۔صدر گڈز ٹرانسپورٹرز ملک شہزاد اعوان نے پٹرولیم مصنوعات کی قیمتوں میں اضافے پر شدید ردعمل کا اظہار کرتے ہوئے کہا ہے کہ پٹرولیم مصنوعات کی قیمتوں میں روزانہ کی بنیاد پر تبدیلی کا فیصلہ ناقابلِ قبول ہے۔
، حکومت اسے فوری طور پر واپس لے۔ملک شہزاد اعوان کا کہنا تھا کہ حکومت کی یقین دہانی پر گڈز ٹرانسپورٹرز نے ملک گیر ہڑتال 40 روز کے لیے مؤخر کی تھی، تاہم ان کے بیشتر مطالبات اب بھی التوا کا شکار ہیں۔انہوں نے خبردار کیا کہ اگر مقررہ مدت کے دوران مطالبات پر خاطر خواہ پیش رفت نہ ہوئی تو گڈز ٹرانسپورٹرز ایک بار پھر ملک گیر ہڑتال کی کال دینے پر مجبور ہوں گے۔