پرامیلا جے پال کا بھارت میں ووٹر لسٹوں سے کروڑوں نام نکالنے پر اظہارِ تشویش

امریکی رکنِ کانگریس پرامیلا جے پال نے بھارت میں تقریباً 13 کروڑ افراد کے نام انتخابی فہرستوں سے خارج کیے جانے کے اقدامات پر گہری تشویش کا اظہار کیا ہے۔پرامیلا جے پال کا کہنا ہے کہ بھارت میں ووٹر لسٹوں سے نام حذف کرنے کا مبینہ طریقہ کار امریکا میں ٹرمپ انتظامیہ کی جانب سے حقِ رائے دہی کو محدود کرنے کی کوششوں سے مشابہت رکھتا ہے۔
امریکی قانون ساز نے مزید کہا کہ وہ بھارت میں جمہوریت کو نقصان پہنچانے والے اقدامات کے خلاف پُرامن احتجاج کرنے والے شہریوں کے ساتھ کھڑی ہیں۔ادھر معروف بھارتی صحافی سوہاسنی حیدر نے بھی پرامیلا جے پال کے اس بیان کو سوشل میڈیا پر شیئر کیا، جس کے بعد یہ معاملہ توجہ کا مرکز بن گیا۔