آج کا اخبار پڑھیں ای پیپر

ملکی تاریخ میں پہلی مرتبہ صوبوں کی وفاق کو 57 ارب 46 کروڑ روپے کی مالی معاونت

Super Admin

پاکستان کی تاریخ میں پہلی بار صوبوں کی جانب سے وفاقی حکومت کو 57 ارب 46 کروڑ روپے کی گرانٹ فراہم کردی گئی۔

ذرائع کے مطابق رواں مالی سال کی پہلی سہ ماہی کے دوران آئین کے آرٹیکل 164 کے تحت یہ مالی گرانٹ وفاق کو منتقل کی گئی۔

ذرائع کا کہنا ہے کہ آئین کا آرٹیکل 164 این ایف سی ایوارڈ سے الگ حیثیت رکھتا ہے، جس کے تحت وفاقی اور صوبائی حکومتیں قومی مفاد کے کسی بھی مقصد کے لیے ایک دوسرے کو مالی گرانٹ دے سکتی ہیں۔

موجودہ مالی سال کے بجٹ میں صوبوں کی جانب سے وفاق کو مجموعی طور پر ایک ہزار 35 ارب روپے فراہم کرنے کا معاہدہ طے پایا تھا۔

معاہدے کے مطابق پنجاب سے 555 ارب روپے، سندھ سے 263 ارب روپے، خیبرپختونخوا سے 157 ارب روپے جبکہ بلوچستان سے 58 ارب روپے بطور گرانٹ حاصل کیے جائیں گے۔

شیئر کریں: Facebook WhatsApp X

تبصرے

Please keep the discussion respectful.

0 تبصرے
No comments yet. Be the first to share your thoughts.

Your comment will appear after moderation.