صوبوں کا ملک گیر اسلحہ لائسنس جاری کرنے کا اختیار ختم، وفاقی وزارت داخلہ نے پابندی لگا دی
وفاقی وزارت داخلہ نے صوبائی حکومتوں کی جانب سے آل پاکستان اسلحہ لائسنس کے اجرا پر مکمل پابندی عائد کر دی ہے۔
وزارت داخلہ کی جانب سے واضح کیا گیا ہے کہ ملک بھر کے لیے قابلِ قبول اسلحہ لائسنس جاری کرنے کا اختیار صرف وفاقی حکومت کو حاصل ہے، جبکہ صوبے آئندہ محض اپنی جغرافیائی حدود کے لیے ہی لائسنس جاری کرنے کے مجاز ہوں گے۔
مزید برآں، وفاق نے ماضی میں جاری کیے گئے تمام آل پاکستان لائسنسوں کی ازسرنو جانچ پڑتال اور وفاقی سطح پر ان کی تصدیق لازمی قرار دی ہے۔ تصدیق کا عمل مکمل ہونے کے بعد نادرا کی جانب سے لائسنس پر نئی عبارت کا اندراج کیا جائے گا، تاہم جن لائسنسوں کی وفاقی توثیق نہیں ہو سکے گی وہ صرف متعلقہ صوبے کی حد تک ہی کارآمد رہیں گے۔ اس فیصلے پر عملدرآمد کے لیے وزارت داخلہ نے چاروں صوبوں کے چیف سیکرٹریز اور انسپکٹرز جنرل (آئی جیز) کو باضابطہ تحریری احکامات بھجوا دیے ہیں۔
تبصرے
Please keep the discussion respectful.