پاکستانی فوج نے ایک ماہ میں 29 دہشت گردوں کو ہلاک کر دیا

پاکستانی فوج نے کہا ہے کہ پاکستان میں افغانستان سے دہشت گردی کے واقعات اور سرگرمیوں میں اضافہ ہوا ہے۔
آئی ایس پی آر کے مطابق افغان سرزمین سے پاکستان میں دراندازی کی کوششیں بڑھ گئی ہیں، دہشت گرد سیکیورٹی فورسز اور شہریوں کو نشانہ بنا رہے ہیں۔
آئی ایس پی آر کا مزید کہنا تھا کہ میجر بابر خان 14 مئی کو دہشت گردوں کے ساتھ فائرنگ میں شہید ہوئے، 21 اپریل سے ژوب میں دہشت گردوں کے خلاف آپریشن جاری ہے
، پاک افغان بارڈر اور دیگر علاقوں میں بھی آپریشن کیا جا رہا ہے۔
آئی ایس پی آر نے بتایا کہ سیکیورٹی فورسز نے ژوب میں مختلف کارروائیوں کے دوران ایک ماہ کے دوران 29 دہشت گردوں کو ہلاک کیا۔
آئی ایس پی آر نے کہا کہ پاکستان نے افغان حکومت کے ساتھ اپنی سرحد پر موثر بارڈر مینجمنٹ کو یقینی بنایا ہے۔
توقع ہے کہ عبوری افغان حکومت اپنی ذمہ داریاں پوری کرے گی۔