ملک بھر میں26 جون سے بارشوں کی پیشگوئی

محکمہ موسمیات نے 26 جون سے یکم جولائی تک ملک بھر میں بارشوں کی پیش گوئی کی ہے۔
بحیرہ عرب اور خلیج بنگال سے آنے والی مون سون ہوائیں 26 جون کو ملک کے مشرقی حصوں میں داخل ہوں گی۔
سندھ میں 26 جون سے یکم جولائی کے دوران عمرکوٹ، بدین، ٹھٹھہ، کراچی اور حیدرآباد میں بارش کا امکان ہے۔
محکمہ موسمیات کے مطابق کراچی میں 2 یا 3 جولائی کو بارش ہوسکتی ہے۔
اس کے علاوہ اسلام آباد، راولپنڈی، لاہور اور دیگر شہروں میں 27 جون سے یکم جولائی تک جبکہ بہاولپور، ملتان، خانیوال، راجن پور اور رحیم یار خان میں 26 سے 30 جون تک بارش کا امکان ہے۔
محکمہ موسمیات کے مطابق 28 جون سے یکم جولائی تک کے پی، گلگت بلتستان اور کشمیر میں بارش ہوگی
جب کہ 26 سے 28 جون تک لسبیلہ، خضدار، اوران، بارکھان اور نصیر آباد میں بارش کا امکان ہے۔