“شہدائے کربلا کا چہلم: سیکیورٹی کے انتظامات اور موبائل فون سروس کی معطلی”
شہدائے کربلا کا چہلم، جلوس کی سیکیورٹی کے سخت انتظامات
شہدائے کربلا کا چہلم آج ملک سمیت دنیا بھر میں عقیدت و احترام سے منایا جا رہا ہے۔
مختلف علاقوں میں چہلم کے جلوس نکالے جائیں گے، سبیلیں لگائی گئی ہیں، علم، ذوالجناح، تعزیے برآمد کیے جائیں گے۔
اسلام آباد میں چہلم کا مرکزی جلوس اپنے مقررہ راستوں سے ہوتا ہوا امام بارگاہ اثنا عشری پر اختتام پذیر ہوا۔
کراچی میں شہدائے کربلا کے چہلم کے جلوس کے لیے سیکیورٹی کے سخت انتظامات کیے گئے ہیں۔
جلوس کی گزرگاہوں کے اطراف کی سڑکیں اور گلیاں کنٹینرز رکھ کر بند کردیے گئے، ۔
شہر کے مختلف علاقوں میں رات سے ہی موبائل فون سروس بھی بند ہونا شروع ہوگئی۔
سندھ حکومت نے آج شہداء کربلا کے چہلم پر کراچی، حیدرآباد، لاڑکانہ، سکھر اور خیرپور سمیت سندھ کے بڑے شہروں میں موبائل فون سروس معطل رکھنے کا اعلان کیا ہے۔
امن وامان کی صورتحال کے پیش نظر سندھ بھر میں ریڈ الرٹ ہے، جلوسوں کی فضائی نگرانی کی جائے گی۔
دوسری جانب سندھ بھر میں موٹر سائیکل کی ڈبل سواری پر بھی پابندی عائد ہے۔
یوٹیوٹ کی ویڈیو دیکھنے کے لیے یہاں کلک کریں
