“امریکا کو یقین دہانی: ایران کی تیل اور جوہری تنصیبات محفوظ رہیں گی”
ایران کی تیل اور جوہری تنصیبات کو نشانہ نہیں بنائیں گے، نیتن یاہو
اسرائیلی وزیر اعظم نیتن یاہو نے امریکہ کو یقین دہانی کروائی ہے کہ ایران کی تیل اور جوہری تنصیبات کو نشانہ نہیں بنائیں گے۔
امریکی اخبار کی رپورٹ کے مطابق وزیر اعظم نیتن یاہو نے امریکی صدر جو بائیڈن کو ایران پر جوابی حملے کے منصوبوں سے آگاہ کیا ۔
رپورٹ کے مطابق دو اعلیٰ عہدیداروں، جن میں ایک امریکی بھی شامل ہے۔
نیتن یاہو نے گزشتہ ہفتے بائیڈن کے ساتھ ٹیلیفونک گفتگو میں یہ یقین دہانی کروائی کہ وہ صرف ایرانی فوجی انفراسٹرکچر کو نشانہ بنائیں گے۔
اسرائیلی وزیراعظم نے کہا کہ ایران کی تیل اورجوہری تنصیبات ہدف نہیں ہوں گی۔
واضح رہے کہ یکم اکتوبر کو ایرانی حملے کے بعد اسرائیل نے جوابی کارروائی کا اعلان کیا تھا۔
یوٹیوٹ کی ویڈیو دیکھنے کے لیے یہاں کلک کریں
