“نواز شریف نے کہا، زوال کو ترقی میں بدل دیا ہے: پاکستان کو سنوارنے کی جانب قدم”

سابق وزیراعظم اور قائد مسلم لیگ (ن) میاں نواز شریف نے کہا ہے کہ زوال کا رخ ترقی کی طرف موڑ دیا ہے۔
معاشی اشاریوں کی بہتری پاکستان کی بہتری ہے، معیشت میں بہتری لا کر ایک بار پھر پاکستان سنوار رہے ہیں۔
ان خیالات کا اظہار انہوں نے وزیراعلیٰ پنجاب مریم نواز اور ارکان پنجاب اسمبلی سے ملاقات کے دوران کیا۔
نواز شریف نے کہا کہ بے ایمانی کے ساتھ آئے ہوئے شخص نے ملک کی بنیادیں ہلا دی تھیں، ہم نے پاکستان کی خاطر ہنستےہوئے قربانیاں دیں، آئندہ بھی دریغ نہیں کریں گے۔
، شہباز شریف کی محنت رنگ لا رہی ہے، آئی ایم ایف نے بھی معاشی بحالی اور پاکستان کے ترقی کی طرف بڑھنے کا اعتراف کیا ہے۔
قائد ن لیگ نے ارکان اسمبلی سے گفتگو کرتے ہوئے کہا کہ شرح سود میں 22 سے 12 فیصد کی کمی سے معاشی سرگرمیاں بڑھ رہی ہیں۔
، معیشت کو فائدہ ہو رہا ہے، روپیہ مستحکم ہوا اور گروتھ بڑھ رہی ہے۔

یوٹیوٹ کی ویڈیو دیکھنے کے لیے یہاں کلک کریں